DILI, STLTIMORLESTE.com – Debete proposta Orsamentu Jeral Estadu (OJE) 2025, Deputadu sira aprova ona orsamentu ba Inspensaun Jeral Trabalhu (IJT), Servisu Nasional Intelijensia (SNI) no ba Gabinete Apoia Sosiedade Sivil (SS) aprova ona iha espesialidade.
Iha debate proposta OJE 2025, iha Parlamentu Nasional Segunda nee (18/11/2024), orsamentu neebe aloka ba IJT, SNI no ba Gabiente apoia ba Sosiedade Sivil aprova ona.
Iha debate proposta Orsamentu Jeral Estadu 2025, ba instituisaun 3 nee laiha proposta alterasaun, tanba nee Prezidente Parlamentu Nasional (PPN), Maria Fernanda Lay submete ba votasaun.
Rezultadu votasaun ba orsamentu IJT pasa ho votus afavor 42, kontra 2 no abstensaun 20. Enkuantu orsamentu ba SNI pasa ho votus afavor 44, kontra 0 no abstensaun 20. Nunee mos orsamentu ba Gabinete Apoia Sosiedade Sivil aprova ho votus afavor 43, kontra 0 no abstensaun 20″, anunsia PPN, Maria Fernada Lay.
Tuir dadus neebe STL asesu iha Proposta OJE 2025 aloka ba IJT US$ 699.88. orsamentu ba SNI US$ 2.642.443. Enkuantu orsamentu ba Gabinete Apoia Sosiedade Sivil US$ 22.476.707.
(gui)
