BAUKAU, STLTIMORLESTE.com – Orsamentu ba infraestrutura no operasional husi Programa Nasional Dezenvolvimentu Suku (PNDS) neebe aloka ba Suku 59 iha Munisipiu Baukau, oras nee fila ona ba kofre Estadu.
Informasaun nee hatoo husi Diretor PDNS Delegasaun Territorial Munisipiu Baukau, Amaro Gusmão Gama Fernandes ba jornalista sira iha knaar fatin vila antiga, Kuarta (20/11/2024).
“Osan infraestrutura ita halo levantamentu ikus nian sei fila ba kofre estadu, nee konta hamutuk suku 59 hotu. Ba projetu neebe ita halo nia progresu too iha klaran nia osan mos fila hotu,” dehan Amaro.
Amaro relata, orsamentu infraestrutura neebe ekipa halo levantamentu husi projetu tinan 2021-2023 implementa iha Baukau kobre konta bankaria 59 nian, nunee iha loron 15 Novembru 2024 fila ona ba kofre estadu hamutuk $ 542,852.99 neebe rejistu husi Suku 26.
Nia sublina, husi Suku 26 mak hanesan Suku Atelari US$ 602.12, Abafala US$ 1,693.24, Abo US$ 4,417.58, Afasa US$ 603.91, Baguia US$ 24,115.77, Bualale US$ 32,729.60, Laisorulai de Baixo US$ 9,003.24, Laisorulai de Cima US$ 27,904.70, Makalaku US$ 443.03, Maluru US$ 12,710.18, Buibau US$ 1,548.07, Buruma US$ 4,073.70, Kaibada US$ 347.88, Samalari US$ 723.87, Seisal US$ 11,060.24, Tirilolo US$ 19,767.60, Afaloikai US$ 33,136.79, Alaua Kraik US$ 105,369.55, Alaua Leten US$ 47,583.96, Defauasi US$ 64,038.82, Samalari US$ 40,236.94, Uakala US$ 50,884.51, Uaigae US$ 15,948.62, Uato-Lari US$ 9,055.36, Vemasi US$ 10,080.70 inklui Suku Uai Oli US$ 14,773.01.
Nia fundamenta, orsamentu infraestrutura neebe fila ona ba kofre estadu nee, Ministeriu Administrasaun Estatal preve ba PNDS hodi aloka ba Suku 59 iha Baukau atu responde preokupasaun komunidade sira nian iha nivel Suku, hanesan kanaliza bee moos,
edukasaun, agrikultura, reabilita estrada rural no seluk tan neebe suku propoint, maibe la konsege ezekuta nunee tenke fila ba kofre estadu, tanba nee desizaun Governu.
Nunee mos orsamentu operasional neebe fila hikas ba Kofre Estadu durante tinan 3 nian, husi 2021-2023 hamutuk US$ 138,501.66 kobre Suku 59 iha Postu Administrativu Baguia, Suku Afaloikai restu fila ba kofre estadu hamutuk US$ 3,729.59, Alaua Kraik US$ 4,176.99, Alaua Leten US$ 1,219.79, Defauasi US$ 2.304.29, Hae-Koni US$ 552.91, Larisula US$ 2,661.84, Lavateri US$ 554.99, Osso-Huna US$ 9,408.29, Uacala US$ 6,665.99, Samalari US$ 6,021.48.
Postu Baukau Vila Suku Bahu US$ 5,579.17, Bukoli US$ 3,934. 72, Buibau US$ 2,919.12, Buruma US$ 5,969.12, Kaibada US$ 2,042.07, Gariuai US$ 5,940.02, Samalari US$ 2,408.57, Seisal US$ 8,835.63, Triloka US$ 6,842.87, Tirilolo US$ 1,949.54, Uailili US$ 2,944.82.
Postu Laga Suku Atelari US$ 1,103.84, Libagua US$ 2,298.43, Nunira US$ 1,667.89, Saelari US$ 1,619.79, Sagadate US$ 2,609.77, Samalari US$ 3,038.85, Soba US$ 317.08, Tekinomata US$ 167.36.
Postu Kelikai Suku Abafala US$ 1,215.32, Abo US$ 1,867.44, Afasa US$ 469.69, Baguia US$ 2,300.13, Bualale US$ 1,748.36, Gurusa US$ 3,278.03, Lakoliu US$ 1,085.77, Laisorulai de Baixo US$ 2,932.23, Laisorulai de Cima US$ 2,681.42, Lelalai US$ 1,673.98, Letemumo US$ 2,928.52, Makalaku US$ 1,400.62, Maluro US$ 800.79, Namanei US$ 4,439.81, Uaitame US$ 4,114.94.
Postu Vemasi Suku Kaikua US$ 1,372.34, Loilubu US$ 3,975.49, Ossouala US$ 2,397.21, Ostiku US$ 73.77, Uaigae US$ 4,674.19, Uato-Lari US$ 5,161.59, Vemasi US$ 3,143.99
Postu Venilale Suku Bado-Ho’o US$ 1,276.44, Baha Mori US$ 1,080.84, Fatulia US$ 2,635.49, Uailaha US$ 356.64, Uai Oli US$ 57.84, Uatu Hako US$ 549.59, Uma Ana Iko US$ 373.99 no Suku Uma Ana Ulo devolve US$ 1,703.14 ba kofre estadu.
Dirijente PNDS Baukau nee fundamenta, orsamentu neebe aloka ona ba konta bankaria Suku nian hanesan osan operasional EJS sira atu utiliza ba nesesidade servisu PNDS nian iha Suku, hanesan print no kopia dokumentus sira, maibe EJS sira la utiliza orsamentu refere hodi atende servisu iha Suku, maibe tenke lori ba atende iha PNDS Munisipiu.
Nunee mos orsamentu ba infraestrutura neebe balun fila ba kofre estadu, tanba projetu dahuluk neebe implementa iha nivel Suku seidauk remata, maibe aumenta tan projetu seluk, nunee hafraku kapasidade EJS nian atu ezekuta hotu orsamentu refere.
Ligadu EJS sira neebe balun seidauk iha konhesImentu hodi ezekuta hotu orsamentu ba operasional no infraestrutura nian, PNDS Munisipiu sei fo kapasitasaun ba ekipa sira, nunee projetu 2025 nian tenke implementa too remata.
Entretantu orsamentu operasional no infraestrutura husi PNDS nian neebe implementa servisu iha Suku 59 iha Munisipiu Baukau dadaun lao hela iha nivel Suku no tenke ezekuta hotu mos iha tinan nee, tanba tuir dezisaun Governu sei fila ba kofre estadu iha fulan Dezembru.
(EST 2)
