DILI, STLTIMORLESTE.com – Sekretariu Estadu Formasaun Profisional no Empregu (SEFOPE) liu husi Diresaun Nasional Externu (DNE), Rogeiro Araujo Mendonça hateten, iha fulan Outubru tinan nee sei halo rekrutamentu ba trabalhador Timoroan ba servisu iha nasaun Nova Zelandia.
Lia hirak nee hatoo husi Sekretariu Estadu Formasaun Profisional no Empregu (SEFOPE), Rogeiro Araujo Mendonça wainhira partisipa iha serimonia entrega linha internet ba munispiu 14 iha Maubara Room, Sesta (23/05/2025).
“Maibe espera katak iha fulan Outubru hamosu ona rekrutamentu ba trabalhador sira neebe mak hakarak ba servisu iha Nova Zelandia,” dehan Sekretariu Estadu Formasaun Profisional no empregu (SEFOPE), Rogeiro Araujo Mendonça.
Nia fundamenta, rekrutamentu trabalhador ba Nova Zelandia nia iha fulan nee katak prosesu hotu-hotu sei akompanha ona iha pagina SEFOPE nian no mos media Nova Zelandia.
“Iha neeba ita boot sira haree ona katak Governu Nova Zelandia publika ona iha sira nia website katak Timor Leste hola parte ona iha programa mobilidade laboral neebe mak hanaran RSC,” katak Rogeiro Araujo.
Nia akresenta, wainhira haruka ita nia trabalhador ida husi nasaun ida ba nasaun seluk signifika katak tenke haree lai akordu no kondisaun sira neebe mak ita iha.
“Parte husi Governu Timor Leste liu husi SEFOPE halao hela komunikasaun ho Governu Nova Zelandia halo preparasaun hodi asina operasional intendimentu RSC nee atu ita iha ona akordu ida nunee bele halo lansamentu ba iha rekrutamentu ba trabalhdor sira,” Rogeiru hakotu.
EST 1
