BAUKAU, STLTIMORLESTE.com – Padre Justino Afonso hetan asidente iha Aldeia Betulale, Suku Tirilolo, Postu Administrativu Baukau Vila, Munisipiu Baukau.
Tuir informasaun neebe STL rekolha iha terenu iha loron 17 Abril 2025, parte dader tuku 10:00 nota katak, padre Justino Afonso utiliza transporte Ranger Ford ho sapa matrikula 29.427, diresaun husi Vila Antiga atu ba Munisipiu Vikeke hodi prezide misa Paskua, maibe too iha area Suku Tirilolo, Aldeia Betulale, hetan asidente kareta monu (baku fila), tanba lakon kontrolu.
Husi asindente refere vitima kondisaun diak, tanba husi asindente nee la rezulta vitima kanek grave, maibe hetan kanek kmaan iha parte liman loos.
Daudaun parte Polisia Trazitu Munisipiu Baukau iha ona terenu rekolha informasaun kona-ba asidente refere, enkuantu vitima tuir planu parte Igreja evakua ona ba Hospital Rejional Eduardo Ximenes hodi halo tratamentu.
(Tom)
