DILI, STLTIMORLESTE.com – Prezidente Autoridade Munisipiu (PAM) Ermera preokupa ho orsamentu ba tinan 2025, neebe aloka ba Munisipiu Ermera iha Kapital Menor (KM) zero.
Prezidente Autoridade Munisipiu (PAM) Ermera, José Soares hatete, sira hamutuk ho MAE, inklui PAM hotu hodi mai halo audensia publiku kona-ba orsamentu 2025 nian.
Sira mai ho orsamentu neebe alokadu ona husi Ministeriu Finansas (MF), orsamentu neebe aloka ba Munisipiu Ermera milhaun US$ 12.
“Maibe hau preokupa tanba kapital menor nee ami nian zero, hau hein katak depois de audensia PN bele koalia ho MF, ami rasik halo pedidu adisional, para re-enkamina fali pedidu adisional ida mai MF atu bele konsidera orsamentu ba kategoria kapital menor, ho nia montante US$ 480 mil ital”, katak PAM Ermera, José Soares ba STL iha PN, Dili, Kuarta (23/10/2024).
Nia dehan, ida nee atu ba xefe suku, transporte ba administrador sira, ida nee tenke konsidera, tanba administrador sira nia servisu lao ba mai, tanba lao ba mai dook estrada mos la diak, sira nia karreta mos aat hotu ona.
Tanba nee husu atu konsidera pedidu adisional nee, para sira hodi haree ba razaun sira neebe mensiona nee, espera katak Ministériu Finansas bele konsidera pedidu nee.
(gui)
