DILI, STLTIMORLESTE.com – Prezidente Autoridade Munisipiu (PAM) nafatin halao monitoring ba implementasaun merenda eskolar iha eskola Baziku Central Manleuana.
Dehan Carlos Correia, nuudar Diretor EBC Manleuana ba jornalista STL iha nia knaar fatin Manleuana, Kinta nee (19/03/2026).
“Kona-ba implementasaun programa merenda eskolar iha ami nian eskola lao ho diak tebes, tanba husi ME nasional no PAM mai monitoring ba programa merenda eskolar neebe mak daudaun nee lao iha ami nian eskola, kona-ba menu nee uza nafatin menu tuan no hein menu foun nee too agora seidauk,” nia deklara.
Nia dehan, konaba ayam potong, ikan, sosis nee la tama iha menu merenda eskolar, tanba nee estudantes sira han mak manu tolun, naan karau nomos han aifuan hanesan hudi, aidila no pateka, modo tahan.
Parte seluk, Cesarina C. Guterres hanesan Superintendente Edukasaun Munisipiu Dili hatete, kona-ba implementasaun programa merenda eskolar nee husi parte inspetor sira nafatin halo monitoring ba iha eskola sira, liuu-liu eskola neebe lokaliza iha Munisipiu Dili.
Nunee mos Luciana Marques hanesan estudantes dehan, kada loron sira asesu ba iha programa merenda eskolar, sira han modo tahan l, aifuan no naan karau, tanba dader sira partisipa iha aula, depois oras too merenda sira hotu ba han.
(jac)
