DILI, STLTIMORLESTE.com – Partisipasaun feto importante tebes no esensial ba konstrusaun sosiedade ida neebe justu ba igualdade ba ema hotu.
Kestaun nee hatoo husi Koordenadora Servisu Komunikasaun Sosial, Lídia Assunção das Neves iha Palasiu Presidensial, Tersa (05/11/2024).
Nia hatete, papel feto importante tebes iha konstrusaun estadu.
“Partisipasaun feto esensial tebes ba konstrusaun sosiedade ida neebe justu liu no iha igualdade ba ema hotu. Feto sira sai hanesan protagonista ba transformasaun sosial, ekonomika no polítika sira, feto nia lian no esperiensia sira kontribui ona ba dezenvolvimentu iha rai doben TL,” katak nia.
Nasaun ba oin presiza mos feto, tanba nee husu feto nafatin esforsu aan hodi duni tuir mehi neebe iha.
Nunee mos Caetano Jose Freitas hanesan mos Funsionariu Publiku iha Gabinete Pro-Reitoria Dezenvolvimento Infraestrutura UNTL, iha Departamentu PMU (Project Management Unit) husu feto sira nafatin esforsu aan hodi lao ba oin nunee bele lori mudansa iha futuru, tanba feto iha kbiit estraordinariu. Nunka laran rua-rua atu koko no luta ba futuru ida neebe diak liu.
(eme)
