DILI, STLTIMORLESTE.com – Pasiente nain 80 neebe Ministeriu Saude (MS) sei pendente nee, hein hela prosesu no orientasaun husi MS.
“Ami mos hein orientasaun neebe mai husi Ministra Saude no Visi nain rua, tanba nee ami kontinua mantein orientasaun neebe mai. Ba pasiente sira neebe pendente hela ami kontinua tau iha prioridade,” hatete Presidente Junta Mediku iha Hospital Nasional Guido Valadares (HNGV), Nuno Vital soares ba jornalista sira iha Bidau, Kinta (07/11/2024).
Nia tenik, pasiente sira nee nia prosesu agora lao daudaun hela, mais hodi hein orientasaun husi MS.
“Tanba nee, hau husu mediku sira atu akompanha nafatin pasiente sira nia kondisaun, atu nunee avalia fali kondisaun depois lori fali mai iha junta mediku, depois ita hein orientasaun husi MS, karik loke ona ami haruka sira ba,” nia esplika.
Nia informa, junta mediku HNGV sei haree fila-fali prosesu sira neebe sei reforsa iha junta mediku nian, tanba pasiente sira nee halo ona tratamentu iha rai liur no balun foun.
(jen)
