DILI, STLTIMOR LESTE.com – Relasiona ho problema sosial ba atendimentu saude iha Timor Leste (TL), ho pasiente nain ualunulu resin neen (86) mak sei pendente, no seidauk ba halo kurativu iha diaspora, tanba hein hela desizaun Governu.
“Ita haree tuir dadus ba pasiente sira neebe rejista iha Ministeriu Saude (MS) hamutuk 434, neebe halo tratamentu saude iha diaspora, no nain 86 mak sei pendente, tanba haree ba preokupasaun balun neebe presiza hadia, hafoin desloka ba diaspora,” dehan Diretor Nasional Apoiu Servisu Hospitalaria iha MS, Carlos de Carvalho Guterres ba jornalista sira iha rezidensia FDCH Liceu, Kuarta (22/10/2024).
Diretor nee hatete, pasiente sira neebe daudaun nee sei iha pendenti nia laran nee iha ona prosesu, hanesan dokumentus balun neebe presiza atu prienxe, tanba osan neebe atu lori pasiente sira ba halo tratamentu iha diaspora nee osan estadu nian, presiza utiliza ho diak.
Husi pasiente sira neebe tuir dadus hatudu katak nain 434, barak liu ho tipu moras kankru no fuan, neebe durante nee halo tratamentu iha Malazia, Jakarta no Singapora.
Prosesu saida deit, MS sempre prontu hodi atende, maibe problema estadu nian tenke rezolve tuir lei no justisa, hanesan dividas balun neebe TL halo iha ema nia nasaun, nee presiza rezolve, hafoin lori pasiente sira ba halo tratamentu.
(EST 1)
