DILI, STLTIMORLESTE.com – Daudaun nee pasiente barak liu mak konsulta iha Sentru Saúde Komoro (SSK), maske ho ekipamentus neebe ladun sufisiente.
Pasiente Julia dos Santos dehan, pasiente barak liuak mai halo tratamentu saude iha Sentru Saude Komoro, maske ekipamentu no aimoruk la sufisiente.
“Ita haree pasiente barak mak mai konsulta iha Sentru Saúde Komoro, tanba atendementu iha nee diak. Ita jaree sala ba konsulta ladun sufisiente no ita haree Doutora sira tur deit iha liur mak fo konsulta hodi koko tensaun,” hatete Pasiente ba STL iha Komoro, Tersa (25/11/2025).
Nia informa, atendementu primeiru foti nomor depois lista naran, kontinua koko tensaun, hotu maka foin konsulta hodi simu aimoruk.
“Hau tensaun as, maibe iha Sentru Saúde nee aimoruk tensaun laiha. Neebe sira fo reseita deit, mak hau ba hola iha kilnika privadu deit,”nia informa.
Iha fatin hanesan Familia Pasiente José Carlos Silva deklara, atendimentu iha Sentru Saúde Komoro diak liu Hospital Nasional Guido Valadares (HNGV), maske ekipamentu hanesan kama ba inan isin rua la sufisiente, no aimoruk mos la sufisiente.
“Atendimentu iha nee diak liu HNGV, tanba hau lori ferik oan mai partus iha nee ninia atendementu diak tebes, so kama ba inan partus maka limitadu tebes, tanba hodi kalan partus hotu meudia alta ona. Atu nunee ida seluk mai uza fatin nee,”nia koalia.
Entertantu STL Koko atu intervista Xefe SSK, Emilia Ayati de Sousa maibe laiha fatin.
Jornalista: Jeniche da Costa
Editora: Domingas Gomes
