DILI, STLTIMORLESTE.com – Moras dengue hanesan moras infeksaun neebe mosu, tanba kauza husi susuk tata, neebe ho naran virus (breakbone fever) ou bonebreak fever tanba implika vitima afetadu nia isin moras demais no sente ruin hotu atu tohar.
“Ita iha dadus neebe mak tama iha SSMD hahu husi fulan Janeiru too Outubru tinan 2024 konsege rejistu pasiente ho idade tinan 6 ida mate tanba moras dengue,” hatete Diretor Servisu Saude Munisípiu Dili (SSMD), Mateus Pinto ba jornalista sira iha nia knaar fatin, Farmoza, Dili, Segunda (02/12/2024).
Virus dengue tuir nia transmite husi Aedes aygipty no susuk Aedes albopictus hanesan trasmitidor moras dengue nian moris iha komunidade sira nia leet. Tanba nee normalmente hatudu sintomas depois de tata kuaje loron 3 too loron 14. No sintomas husi moras Dengue nee bedoko hakaas, ulun moras ruin sin, enviando(Sendi red Indonesia) no ruam.
Normalmente akontese iha tempu udan, neebe kada tinan Munisipiu Dili mak sempre sai primeiru lugar ba iha moras dengue, tanba kada fulan Sentro Saude lima iha Dili karan sempre registu pasiente moras kuaze atus resin.
Nunee Pasiente ho idade tinan 6 neebe mak la konsege salva nee husi pasiente hamutuk nain 714 neebe mak rejistu iha Senntru saude 5 iha Munisipiu Dili nian mak hanesan Sentru Saude Komoro, Sentru Saude Bairu Formosa, Sentru Saude Veral Crus, Sentru Saude Bekora no Sentru Saude Hera.
Mezmu numeru pasiente moras dengue iha Munsipiu Dili sei bele dehan aas nafatin, maibe bele dehan tanba iha deit atus hitu resin, enkuantu tinan ida no rua ba kotuk kuaze rihun no labarik barak mak mate.
Iha fatin seluk, Xefe Suku Komoro, Eldigio José Marcal rekonhese la fasil atu mobiliza komunidade sira halo atividade limpeza rutina tanba komunidade preokupa ho sira nia atividade negosiu hodi bele iha rendimentu ba sustenta sira nia familia.
Nunee mos Komunidade Maria dos Santos Banca informa, Suku Komoro area neebe luan tebes, tanba nee Autoridade lokal tenke avizu ba Komunidade para halao atividade Limpeza Jeral, tanba liu husu limpeza maka bele minimiza moras dengue iha komunidade nian leet.
(jen)
