DILI, STLTIMORLESTE.com – Pasiente sira neebe atu ba halo tratamentu iha Malazia, Indonazia no Singapura mak daudaun nee Ministeriu Saude (MS) sei haree fali lei asistensia medika husi estranjeiru no presiza klarifikasaun husi Junta Mediku.
Ministra Saúde, Elia A. A. dos Reis Amaral dehan, kona-ba pasiente pendente nee, hanoin presiza hadia no haree fila fali, tanba iha dekreitu lei asistensia Mediku husi estranjeiru.
“Hanoin ita presiza hadia no haree fila fali, tanba nee mak hau dehan, dekretu Lei asistensia medika estranjeiru presiza iha klasifikasaun iha neeba husi Junta Mediku presiza atu kumpri Lei ida nee,” hatete Ministra Saúde, Elia ba jornalista sira, iha PN, Dili, Kinta (14/11/2024).
Governante nee esplika, foin daudaun pasiente balu lao hela, sira neebe haruka transferensia ba rai liur pasiente los hela.
Antes nee Diretor Servisu Apoiu Diagnóstiku no Terpeutika Hospital Nasional Guido Valadares (HNGV), Vidal de Jesus Lopes informa, Justa Mediku hanesan iha loron hirak no semana ikus media sira mos akompanha katak, enfrenta hela situasaun ida neebe ezije governu tenke selu.
Nunee mos Diretora Jeral Servisu Hospitalare iha Ministeriu Saude, Terlinda da Conceicao Barreto hatete, Junta Mediku sira aprova tiha ona iha pasiente nain 80 mak ba, tanba seidauk, entaun hospital sira neebe simu dehan tenke selu lai mak foin kontinua halo tratamentu ba sira neebe mak iha neeba no mos sira foun nee.
(jen)
