DILI, STLTIMORLESTE.com – Empreza ida kaer projetu 4, 5, rezultadu ikus servisu lentu, tanba nee husu governu toma atensaun, atu empreza ida halo obra hotu mak fo fali.
Visi Bankada CNRT, Patrocino Fernandes hatete, projetu ponte ida iha Same, iha Abatu, ponte née kiik hela, maibe durasaun tinan ida resin ona, empreza ida halo projetu ponte nee seidauk konklui.
“Hau husu ba Governu atu haree took empreza nee Timoroan ka estranjeirus, diak liu hetan ona obra ida halo hotu tiha mak fo tan obra seluk. Tanba buat neebe ita haree as vezes emprezá ida kaer projetu 4 no 5, ikus moviliza ekipamentu la too, moviliza husi fain ida ba fatin seluk, konsekuensia projetu nee lentu maske kiik”, dehan Visi Bankada CNRT, Patrocino iha Parlamentu Nasional (PN), Segunda (09/12/224).
Nia kestiona, agora tama fulan Dezembru nee, Same nee kada loron udan hela deit, ponte oan nee difikulta tebes movimentu, tanba dalan ida nee uniku, neebe bele konekta komunidade sira husi laran mai, nunee mos ba.
Aleinde nee, administrasaun mos prezudika tebes tanba iha tiha laran bá, maibe dalan nee uniku via, nee susar, liu ba haree projetu nee laiha mudansa ba progresu, atu hatudu katak bainhira mak diak no remata.
Deputadu nee husu governu atu tau matan, nunee bele fo biban ba movimentu komunidade sira nian no atendimentu administrasaun.
Hatan ba kestaun nee, Sekretariu Estudu Komunikasaun Sosial (SEKOMS), Expedito Dias hatete, konaba ponte neebe Deputadu foti iha Munisipiu Manufahi, Same.
“Hau toma nota no sei haruka eskrita ba Ministeriu relevantes, hau mos sei hatoo preokupasaun nee iha reuniaun Konselhu Ministru (KM) atu bele hetan atensaun masimu husi governu”, katak Expedito.
(gui)
