DILI, STLTIMORLESTE.com – Prokurador Jeral Republika (PGR) rekonhese simu karta husi Reitor Universidade Nasional Timor Leste (UNTL).
“Karta nee haruka ona mai, maibe nee laos buat ida ita empresta sasan, se tama ona iha buat ruma indisus tenke halo ezame,” dehan Prokurador Jeral Republika, Nelson de Carvalho ba jornalista sira iha edifisiu Ministeriu Finansas, Aitarak Laran, Sesta (22/08/2025).
Nia hatete, kuandu iha buska no aprensaun nee iha indisus ruma konaba material neebe buska, tanba nee sei halo ezame. Banhira ezame hotu ona maka foin hare sira neebe bele fo fila bele fo fila, sira neebe seidauk fo fila sei halo ezame iha laboratoriu.
Iha fatin ketak Akademiku UNTL, Sebastião Dos Santos dehan, iha prosesu investigasaun objeitu sira nee sai hanesan parte ida, hodi deskobre verdade.
“Hanoin objeitu sira nee sai mos hanesan provas ida,” dehan nia.
Nia hatutan, objetivu neebe iha Prokurador nia liman ona, atu entrega ka lae, ida nee husi Prokurador mak sei deside, tanba Prokurador halao knar neebe importante hanesan nain ba asaun penal.
(ter)
