DILI, STLTIMORLESTE.com – Primeiru Ministru (PM), Kay Rala Xanana Gusmão entrega konvite husi Prezidente Republika (PR), José Ramos Horta ba Prezidente Indonezia Prabowo, atu partisipa selebrasaun loron restaurasaun independensia, 28 Novembru.
Primeiru Ministru, Kay Rala Xanana Gusmão hatete, depois partisipa tomada pose Prezidente Indonezia Prabowo, nunee horiseik lokraik sira hasoru malu halao enkontru.
“Iha enkontru Doutor Longinhos lori karta Prezidente Republika nian, neebe fo ba Prezidente Prabowo, tanba nee karta nee fo ba hau lori ba entrega, hodi konvida Prezidente Prabowo atu mai partisipa selebrasaun loron restaurasaun independensia 28 Novembru”, informa PM, Xanana Gusmão ba jornalista sira, iha Aeroportu, Komoro, Dili, Tersa (22/10/2024).
Xefe Governu hatutan, ho konvite neebe entrega ba Prezidente Prabowo, maibe seidauk fo lia loos, tanba sei halo vizita ba rai barak, hodi kontinua hametin sira nia kooperasaun, atu apoia sira nia governu.
Karik labele mai partisipa selebrasaun loron restaurasaun independensia, maibe tempu sei barak.
(gui)
