DILI, STLTIMORLESTE.com – Primeiru Ministru (PM), Kay Rala Xanana Gusmão ho delegasaun fila hikas mai Timor Leste, hafoin halao vizita ba Malazia.
PM Xanana Gusmão ho delegasaun too Timor Leste iha loron Tersa (03/12/2024) ho Aviaun Aero Dili.
Enkuantu ajenda neebe iha, PM Xanana Gusmão ba Malazia hasoru malu ho PM Malazia.
Enkuantu PM Xanana ho delegasaun aranka iha Domingu (01/12/2024) dader, hahú viajen ho Aero Díli, neebe halao vizita ofisial ba Malazia hodi hasoru malu ho nia omólogu Primeiru Ministru Malázia, Dato’ Sri Anwar Ibrahim, iha nia eskritóriu Perdana Putra neebé lokaliza iha Putrajaya.
Xefi Governu rua nee sai sasin bá serimónia asinatura akordu tolu mak hanesan, primeiru akordu entre Repúblika Demokrátika Timor Leste no Malázia kona-bá Izensaun Vistus, segundu kona-bá akordu entre Governu Repúblika Demokrátika Timor Leste relativu ho Terrenu bá Edifísiu Sanselaria no Rezidénsia Ofisiál Governu Malázia iha Díli no akordu terseiru mak Anúnsiu kona-bá voos Batik Air.
Laos nee deit, maibe iha vizita nee mos PM hetan konvite vizita bá Institutu Diplomasia no Relasaun Exteriór (IDFR) Malázia, hodi hatoo Palestra Públika kona-bá: “Diplomasia Internasionál iha mundu fragmentadu no frázil”.
Enkuantu PM ho delegasaun fila mai TL simu husi Visi Primeiru Ministru, atual PM Interinu Mariano Assanami Sabino ho membru Governu sira seluk tan.
(gui)
