DILI, STLTIMORLESTE.com – Primeiru Ministru (PM), Kay Rala Xanana Gusmão klarifika osan emprestimu sira, nunee mos kansela emprestimu ba Aeroportu.
Xefe Governu dehan, iha debate Demokrátika ida nee PM simu intervensaun husi opozisaun, agradese tanba bolu atensaun no hanoin atu tinan seluk bele haree diak, labele halo diskursu deit, maibe tenke implementa.
Tanba nee, atu klarifika kona-ba emprestimu iha kedas IV Governu, hanoin katak tenke halo buat ruma kona-ba infraestruturas bazika, karik ita uza kedas Fundu Petróleo, osan bele mohu lalais, tanba nee mak desidi atu uza osan liu husi emprestimu.
Empréstimu sira nian husi 2012 too 2017 bele dehan katak, projetu sira nee halo hotu ona, halo iha tempú neeba buka duni kontrola diak projetu sira nee bele iha kualidade, aguenta iha tempu naruk.
“Total neebe ami asina uluk kedas milhaun U$S 371, maibe depois halo tiha dezenhu no buat sira hotu, afinal osan neebe presiza lo-loos atu halao projetu sira mak milhaun US$ 285 deit, maibe U$ 371 milhaun ho hanoin ida katak, empresta mai, maibe utiliza deit milhaun U$S 285. Ohin háu temi katak, ita uza emprestimu selu neineik, nunee osan iha Fundu Petróleo sei iha hodi investe, laos iha bons, tanba bons la fo osan, maibe iha Equity mak fo bilhaun U$S 9 ba Fundu Petróleo, tanba nee atu dehan katak, husi JICA, ADB, Work Bank, osan neebe hasai ba projetu sra neebe uluk atu halo husi osan emprestimu nee selu ona milhaun U$S 89, sei hela milhaun U$S 2 resin, taba uza deit milhaun U$S 285 “, katak PM, Xanana Gusmão iha debate proposta OJE 2025 iha PN, Kinta (07/11/2024).
Maibe tuir Primeiru Ministru, balu dehan fali milhaun U$S 850, husi 2018 mai too 2022 total asinadu osan emprestimu milhaun U$S 653, ADB milhaun U$S 88, Work Bank milhaun U$S 220, Australia milhaun U$S 45.
“Iha tinan kotuk liu ba mos hau koalia ona, ami kansela emprestimu ho ADB ba Aeroportu, tanba gastus neebe atu halo ba Aeroportu la kondiz ho ita nia realidade, hanoin fali atu halo Aeroportu ida neebe furak tebes, maibe la hatene ema atu mai ka lae”, tenik PM.
Nia hatete, halo tuir saída mak bele, tanba nee emprestimu ba Aeroportu kansela, hodi halo estudu foun, tanba Aeroportu Dili mos uluk halo tiha ona estudu balu, maibe seidauk kompleta neebe hein lai.
“ADB mos iha kontratu fo kedas asina kontratu milhaun ba milhaun, iha buat oin-oin maibe kansela tanba ami husu halo iha neebe, maibe la hatene halo iha Timor tomak, ida nee mak kansela estudu bele boot ka kiik, dehan atu halo,” dehan nia.
Tanba nee Xefe Governu dehan, organizasaun neebe fo emprestimu sira hatene katak sei selu, neebe halo diak ka aat sei selu, tanba nee atu jere ho diak, halo aat ka diak sei buka hatene. Karik haree atu halo projetu kiik ka boot, iha neebe buka hatene mak bele haree atu tau osan, nunee bele haree bee-moas hatoo iha aldeia no suku sira.
(gui)
