DILI, STLTIMORLESTE.com – Primeiru Ministru (PM), Kay Rala Xanana Gusmão tun direta hodi kontinua loke provizoriu Ponte Kuluhun hodi fasilita movimentu trasnporte publiku no privadu labele mosu beibeik engarrafamentu.
Iha oportunidade nee, Xefe Governu fo orientasaun ba empreza ho tekniku sira husi Ministeriu Obras Publikas (MOP) atu sobu tan ponte Kuluhun parte sorin hodi halo kontrusaun foun.
Orientasaun atu sobu ponte tuan sorin ne’e hodi monta (cor) hikas atu kompleta ponte sorin neebe monta (cor) ona iha fulan kotuk.
“Agora ita loke provizoriu ponte sorin para fasilita ona movimentu transporte publiku, nee sobu daudaun ona ponte sorin,” dehan PM Xanana liu husi nota komunikadu imprensa neebe STL asesu husi media Gabinete Primeiru Ministru,” Sabadu nee (25/07/2025).
Provizoriamente movimentu publiku utiliza hela ponte foun sorin neebe monta ona, hodi hein montajen ba ponte tuan neebe sobu daudaun.
Tuir planu Governu sei tau naran ba ponte nee “Ponte 26 Agostu 1999” hodi hanoin masakre neebe akontese iha area Kuluhun iha tinan 1999.
Maske nunee seidauk iha desizaun final atu hatuur lo-loos naran bá ponte nee, tanba sei liu husi konsulta no diskusaun ho autoridade sira.
Iha terenu, PM Xanana akompanha husi Sekretariu Estadu Asuntus Toponímia no Organizasaun Urbana (SEATOU), Germano Santa Brites Dias ho tekniku sira husi Ministeriu Obras Publikas (MOP) kompostu husi Enjeñeiru, Tito Edgar F.N.D. Jesus atual Xefe Planeamentu MOP, Koordenador Laboratoriu Nasional MOP, Joni Rodrigues ho Xefe Seksaun Kontrolu ba Xeias UIVP-MOP, Marcos Ximenes.
(alb)
