DILI, STLTIMORLESTE.com – Primeiru Ministru (PM), Kay Rala Xanana Gusmão ohin hamutuk ho delegasaun iha Sabadu dader nee ho aviaun Komersial Aero Dili A320 ba Jogjakarta, Indonezia, hodi hasoru malu ho ekipa Indonezia nian atu halao segunda ronda negosisaun kona-ba asuntu fronteira tasi rai rua nian.
Durante enkontru ho Prezidente Republika (PR), José Ramos Horta, Sesta (05/12/2025) iha Palásiu Prezidensial Bairo Pite, Primeiru Ministru atualiza katak, viajen ba Jogjakarta ohin hodi partisipa iha segunda ronda negosiasaun ho Indonezia, tanba antes nee ekipa husi nasaun rua hahu ona negosaisaun primeira ronda iha Dili.
“Durante iha negosiasaun nee mos Xefe Governu sei introdus ba Governu Indonezia kona-ba inisiativa hodi realiza “nahe biti boot” koalia nuudar maun alin iha fronteira Naktuka ho Amfoang,” haktuir nota komunikadu neebe STL asesu husi media Gabineti Primeiru Ministru, Sabadu (06/12/2026).
Negosiasaun ba fronteira maritima entre nasaun rua sei halao durante loron tolu (8-10 Dezembru 2025) iha Jogjakarta.
Jornalista: Alberto Menezes
Editor: Xisto Mendonça
