LONDRES, STLTIMORLESTE.com – Primeiru Ministru (PM), Kay Rala Xanana Gusmão hamutuk ho Konselheiru Superiór no ekipa juridika kona-ba kestaun Fronteira Terrestre no Marítima realiza enkontru estratejiku ida iha Londres, Reinu Unidu, durante loron 19 too 20 Setembru 2025, hodi esplora estratejia kona-ba saida mak Timor Leste (TL) sei defende iha negosiasaun dahuluk ho Indonezia, kona-ba Fronteira Maritima iha inisiu Dezembru 2025.
“Hau mai Londres ho ekipa tomak husi Gabinete Fronteiras Marítimas Timor Leste nian hasoru malu ho advogadu sira ka Legal Counsel, tanba iha fulan Agostu liu ba ekipa ida husi Republika Indonezia ba ona Dili hasoru malu ho ekipa Timor Leste nian atu hahu koalia kona-ba Fronteira Marítima ho Indonezia,” hatete Xanana Gusmão liu husi nota komunikadu imprensa neebe STL asesu husi Media Gabinete Primeiru Ministru, Sabadu (20/09/2025).
Iha prinsipiu, Dezembru 2025 realiza primeira reuniaun formal kona-ba Fronteira Marítima ho Indonezia, tanba nee durante loron rua nee ekipa diskute hodi haree buat hotu-hotu tuir loos deit Lei Internasional nian.
Xanana Gusmão rekonhese kontribuisaun husi Michael Charles Wood husi Britania ho sira seluk neebe ajuda tebtebes Timor Leste, agora daudaun sira servisu nafatin hodi haree mos kazu sira seluk no sei fila-fali ba Timor atu ajuda nafatin iha prosesu negosiasaun ho Indonezia.
“Nunee durante loron rua ekipa hasoru-malu hodi kombina no haree saida mak Timor Leste bele defende bainhira iha negosiasaun ho Indonezia iha inísiu Dezembru 2025,” dehan nia.
Oras nee daudaun Timor Leste iha hela faze preparasaun ba negosiasaun kona-ba Fronteira Marítima ho Indonezia no ohin hatoo rekonhesimentu boot ida hodi Prezidente Republika nia naran ho povu Timor Leste nia naran agradese ba sira hotu.
Matenek hotu-hotu neebe sira fo ba Timor Leste too bele manan tiha Australia, agora mos PM Xanana fiar katak sira sei fo nafatin apoiu atu bele manan Indonezia.
DLA Piper mak empreza advogadu ida ho eskritoriu sira iha nasaun liu-40 iha Amerika, Ázia-Pasífiku, Europa, Afrika no Mediu Oriente.
Ida nee harii iha tinan 2005 liu husi fuzaun husi empreza advogadu tolu mak hanesan: Gray Cary Ware & Freidenrich LLP neebe ho nia sede iha San Diego, Piper Rudnick LLP neebe ho nia sede iha Baltimore no DLA LLP neebe ho nia sede iha Reinu Unidu.
Jornalista: Alberto Menezes
Editor: Xisto Mendonça
2 Responses
Tuir hw Nia hnoin ita persija hare no buka hatene Lai Kona ba orgaun ne…UNCLOS(United Nations conference law of the Sea 1982.
Convensaun direito Maritimo nebe regula no uja marina,nebe hetan resultado husi conferencia ONU/PBB husi tinan 1982.
Indonesia halo ona ratifikasaun husi UNCLOS no kria lei no 17 tinan 1985 Kona ba ratifikasaun UNCLOS no sai hanesan hukum laut/ Direito Maritimo,ho Nune secara resmi UNCLOS fo officialmente autoridade/memberikan kewenangan ba povo Indonesia para utiliza recurso Marina Nian.
Nebe antes ATU halao negotiate ho Sira ita tenke ser uja lei nebe forte/lei original Nian(1975),ho Nune ita bele foti lei hirak ne sai hanesan ba rajaun forte Nian,SE quando ita uja lei foun(2002)nebe adopta husi nasaun Europia Nian?,ne laiha rajaun forte ba ita.
Tuir hw Nia hnoin ita persija hare no buka hatene Lai Kona ba orgaun ne…UNCLOS(United Nations conference law of the Sea 1982.
Convensaun direito Maritimo nebe regula no uja marina,nebe hetan resultado husi conferencia ONU/PBB husi tinan 1982.
Indonesia halo ona ratifikasaun husi UNCLOS no kria lei no 17 tinan 1985 Kona ba ratifikasaun UNCLOS no sai hanesan hukum laut/ Direito Maritimo,ho Nune secara resmi UNCLOS fo officialmente autoridade/memberikan kewenangan ba povo Indonesia para utiliza recurso Marina Nian.
Nebe antes ATU halao negotiate ho Sira ita tenke ser uja lei nebe forte/lei original Nian(1975),ho Nune ita bele foti lei hirak ne sai hanesan ba rajaun forte Nian,SE quando ita uja lei foun(2002)nebe adopta husi nasaun Europia Nian?,ne laiha rajaun forte ba ita.