DILI, STLTIMORLESTE.com – Primeiru Ministru (PM), Kay Rala Xanana Gusmão hamutuk ho Grupu Voluntaria The Best In Town kontinua fo apoiu material konstrusaun ba Suku Ailok, Postu Administrativu Kristu Rei, Munisípiu Dili, hodi harii armajen suku nian.
Material hirak nee oferese direta husi Grupu The Best In Town kompostu husi membru nain lima mak hanesan Rudy Kwan, Nuno Saldanha, Euclides Belo, Januário Baptista no Aliung Ho.
Grupu nee nuudar Grupu Voluntariu ida neebe durante nee fo apoiu ba familia kbiit laek sira mak presiza duni tulun, ho orsamentu mai husi kontribuisaun membru grupu nee rasik.
Xefe Suku Ailok, Geraldo Maria Alves ho Xefe Aldeia Kulau Laletek, Manuel Pereira hatoo agradese ba Xefe Governu Xanana Gusmão neebe lori no akompania grupu nee too iha sira nia fatin.
“𝐎𝐛𝐫𝐢𝐠𝐚𝐝𝐮 𝐛𝐚𝐫𝐚𝐤 𝐛𝐚 𝐦𝐚𝐮𝐧 𝐛𝐨𝐨𝐭 𝐗𝐚𝐧𝐚𝐧𝐚 𝐡𝐨 𝐞𝐤𝐢𝐩𝐚 𝐓𝐡𝐞 𝐁𝐞𝐬𝐭 𝐈𝐧 𝐓𝐨𝐰𝐧 𝐛𝐞𝐥𝐞 𝐫𝐞𝐬𝐩𝐨𝐧𝐝𝐞 𝐨𝐧𝐚 𝐚𝐦𝐢 𝐧𝐢𝐚 𝐩𝐫𝐨𝐩𝐨𝐬𝐭𝐚 𝐡𝐨𝐝𝐢 𝐚𝐩𝐨𝐢𝐚 𝐦𝐚𝐭𝐞𝐫𝐢𝐚𝐥 𝐬𝐢𝐫𝐚 𝐧𝐞e 𝐚𝐭𝐮 𝐚𝐦𝐢 𝐡𝐚𝐫𝐢𝐢 𝐚𝐫𝐦𝐚𝐣𝐞𝐢𝐧 𝐬𝐮𝐤𝐮 𝐧𝐢𝐚𝐧,” hatete Xete Suku Geraldo Maria Alves liu husi nota komunikadu imprensa neebe STL asesu husi media Gabinete Primeiru Ministru, Sabadu (24/01/26).
Primeiru Ministru mos agradese ba domin no dedikasaun hosi grupu nee, tanba kontinua lolo liman no kari domin hodi apoia Timor-oan sira neebe presiza.
Xefe Governu konsidera asaun nee sai hanesan ezemplu bá Timoroan hotu atu fahe buat neebe iha ba maluk sira seluk nebe presiza tulun.
“𝐀𝐠𝐫𝐚𝐝𝐞𝐬𝐞 𝐛𝐚 𝐢𝐦𝐢 𝐧𝐢𝐚 𝐝𝐨𝐦𝐢𝐧 𝐧𝐨 𝐤𝐚𝐫𝐢𝐝𝐚𝐝𝐞 𝐛𝐨𝐨𝐭 𝐢𝐝𝐚-𝐧𝐞𝐞. 𝐊𝐨𝐧𝐭𝐢𝐧𝐮𝐚 𝐡𝐨 𝐡𝐚𝐮-𝐧𝐢𝐚 𝐚𝐩𝐨𝐢𝐮 𝐚𝐭𝐮 𝐚𝐣𝐮𝐝𝐚 𝐧𝐚𝐟𝐚𝐭𝐢𝐧 𝐢𝐭𝐚-𝐧𝐢𝐚 𝐩𝐨𝐯𝐮,” PM Xanana agradese.
Material hirak neebe ekipa oferese mak hanesan kalen, besi, porka, semente, trikples, tinta, arrame, rai henek no seluk tan.
Grupu Voluntariu The Best In Town halao ona asaun karidade haleu Timor hodi tulun povu neebe presiza liu-husi konstrui uma no apoia sasan nesidade bazika no seluk tán.
(alb)
