DILI, STLTIMORLESTE.com – Iha loron Kuarta, Primeiru Ministru Kay Rala Xanana Gusmão bainhira fila husi Singapura mai Timor Leste la tuir dalan VIP, tanba halo observasaun direita kondisaun aeroportu.
Foin lalais Primeiru Ministru (PM), Kay Rala Xanana Gusmão halao vizita ofisial loron rua ba Singapura, bainhira fila hikas mai Timor Leste la tuir dalan VIP, maibe tun direita hodi halo observasaun direita Aeroportu Internasional.
Primeiru Ministru ba jornalista sira bainhira remata halo enkontru semanal ho Prezidente Republika, Jose Ramos Horta iha Palasiu Prezidensial Nikolao Lobato, Bairo Pite, Kinta (24/07/2025) hatete, nia la tuir dalan VIP tanba haree kondisaun Aeroportu neebe atu halo reparasaun, maibe too oras nee seidauk realiza, tanba nee PM halo observasaun direita.
“Hau ba haree tanba buat nee kleur ona, tanba fatin ida ema tama atu sae aviaun nee la book la book, hau liu husi neeba para ba haree lao nusa,” katak PM Xanana.
Hanesan perguntas hatete, durante nee PM halo observasaun no monitoriza membru governu sira nia servisu nee lao nusa, tanba nee iha loron Kuarta PM tun husi aviaun halo monitorizasaun.
“horiseik lao monitoriza ema mai barak nee laos VIP mai husi ekonomia nia entaun atu fila fali nee laos horiseik mak liu, maibe kleur ona hau liu husi neeba, hau husi neeba sira dehan sei taka ba tan sorin dehan taka seidauk nee mak bolu atensaun deit saida mak nee, ema sei la mai tan Timor, tanba dehan fatin laiha halo deit reparasaun mos tempu naruk hanesan nee,” hakotu Xanana.
(eme)
