DILI, STLTIMORLESTE.com – Primeiru Ministru (PM), Kay Rala Xanana Gusmão rekonhese ezekusaun Orsamentu Jeral Estadu (OJE) 2024 sei kiik iha semestre primeiru.
“Hau tenke rekonhese katak ezekusaun governamental moderada liu, iha primeiru semestre tinan ida nee,” hatete PM Xanana iha ambitu debate OJE 2025 iha faze Jeneralidade iha PN, Kuarta (06/11/2024).
Maske nunee Xefe Governu garante katak OJE 2024 ezekuta too ona iha terseiru trimestre too fim tinan 2024 bele sae too 83%.
“Maibe iha fulan ikus-ikus nee ita bele haree iha aumentu iha kapital dezenvolvimentu. Tan nee mak ezekusaun governamental too ohin loron 63% deit, maibe bele rejista aumentu too fim do ano, ami fiar katak sei too 86%, iha 31 Dezembru 2024, neebé hetan aumentu 9% kompara ho 2023,” realsa Xanana.
(alb)
