DILI, STLTIMORLESTE.com – Primeiru Ministru (PM), Kay Rala Xanana Gusmão ba jornalista sira iha Palasiu Prezidensial Nikolao Lobato, Bairo Pite, kinta nee (24/07/2025) hatete, la hasoru malu fulan tolu tanba PM ba liur no informa mos ba PR kona-ba vizita ba Singapura.
PM hatete, “Prezidente kontente tanba jogu CPLP ita nia desportu sei hatudu katak sei fraku mais tanba laos profisionais hanesan idade estudantil, mais hau rona katak Portugual manan 1:0 nuudar vensedor no ita manan hira? Iha ida ita la riku mos iha netik medalha orru rua,” katak PM Xanana.
Primeiru Ministru mos informa ba Prezidente Repúblika katak, loraik sei hasoru Ministru Komersiu Industria, ho relasaun ASEAN nia husi Norte Territorial Darwin no ikus fali hasoru Visi Ministra Negosiu Estranjeiru husi Japaun, koalia kona-ba saida mak apoiu, no sira mai nee espresa sira nia vontade hodi fo apoiu nafatin saida mak sira bele.
Aleinde nee Primeiru Ministru hatete, foin lalais Prezidente ADB mai iha Timor Leste Primeiru Ministru laiha, atu mai maibe ulun fatuk mak moras.
Bainhira IX Governu atu asumi nia responsabilidade imprestimu osan husi ADB maibe IX Governu Konstituisional deside kansela lai, maibe sira esplika didiak tiha ona hodi hatene tanba sa? tanba antes nee ho montante osan boot maibe dada bee moos no aeroportu nia rezultadu oinsa la hatene.
(eme)
