DILI, STLTIMORLESTE.com – Primeiru Ministru Kay Rala Xanana Gusmão relata nia atividade vizita trabalhu ba munisipiu hotu hodi prepara ba desentralizasaun ba Prezidente Republika Jose Ramos Horta.
Bainhira remata hasoru malu, Primeiru Ministru Kay Rala Xanana Gusmão ba jornalista iha Plasiu Prezidensial Nicolau Lobato, Bairo Pite, Kinta (19/03/2026) hatete, ohin mai hasoru malu ho Xefe Estadu hodi relata atividade Vizita trabalhu neebe PM halo durante nee.
“Hau mos informa ba Prezidente, hau nia vizita trabalhu ba munisipiu sira kona-ba desentralizasaun, hau esplika ba prezidente katak iha aseitasaun maibe hau mos temi ona ba sira ida mak prepara aan hadia rekomendasaun neebe hasai ba kada Munisipiu ida neebe failha ida neebe mak ladun diak nee sira hadia tiha ita bele dehan katak sira hadia aan dadaun ona prepara aan dadaun ona,” dehan PM Xanana.
Xefe Governu hatete kuandu too ona Governu lokal ba munisipiu haree ona ba dezenvolvimentu setor privado liu liu iha mikro pekena empreza para garante emprezas neebe mak konstrusaun no timor oan rasik mak prepara aan atu partisipa iha dezenvolvimentu nasaun nee nia.
“Hau mos imforma ba Prezidente tanba hodiseik mai iha nee tanba iha konsellu Ministru importante tebes ida hodi simu Ernst & Young nia relatoriu tanba sira hela iha Portugal,” katak PM Xanana.
Iha biban nee Primeiru Ministru hatete nia sei vizita Traballu ba munisipiu Viqueque kontinua viajen hodi haree preparasaun ba desentralizasaun nunee fo tempu ba sira korize hodi halo avaliasaun fali iha setembru nunee haree lolos saida mak preparadu ona atu halo eleisaun munisipais laos hotu hotu dala ida laos barak maibe kumpre ba preparasaun munisipiu idak idak ninia.
Tuir Observasaun neebe STL hetan durante nee Primeiru Ministru Kay Rala Xanana Gusmao lao tamas ai munisipiu idak idak hodi rona direita planun no programa idak idak husi Prezidente Autoridade nomos populasaun idak idak konaba preparasaun hodi simu desentralizasaun.
(eme)
