DILI, STLTIMORLESTE.com – Parlamentu Nasional (PN) aprova Proposta Orsamentu Jeral Estadu (OJE) 2025 ba Ministeriu Edukasaun (ME) US$ 113.098.784 no US$ 6. 957.923 ba Ministeriu Ensinu Superior Siensia no Kultura iha debate espesialidade.
Liu husi debate proposta OJE 2025 ba loron dahaat, Sesta (15/11/2024), iha PN, too iha Ministériu Edukasaun no ba Ministeriu Ensinu Superior Siensia no Kultura, Deputadu sira aprova ona.
Debate nee iha proposta alterasaun 2 ba ME, hanesan numeru 14 no numeru 49. Maibe proponente retirada, hafoin hetan esplikasaun husi Ministra Edukasaun Dulce de Jesus, i Ministra rasik la aseita. Enkuantu proposta alterasaun ba MESSK laiha.
Tanba nee, Prezidente Parlamentu Nasional (PPN) ,Maria Fernanda Lay, subemete ba votasaun,” rezultadu votasaun ba proposta orsamentu Ministériu Edukasaun pasa ho votus afavor 42, kontra 0 no abstensaun 20″, anunsia PPN Lay.
Aleinde nee, Prezidente Parlamentu Nasional (PPN), Maria fernanda Lay mos submete ba votasaun kona-ba proposta orsamentu ba MESSK.
Rezultadu votasaun afavor 43, kontra 0 no abstensaun 19, nunee osan ba MESSK aprova tiha”, tenik PPN, Maria Fernada Lay.
Enkuantu tuir dadus neebe STL asesu iha proposta OJE 2025, ba ME total US$ 113.098.7884, neebe fahe ba kategoria Salariu Vensimentu US$ 92. 383. 226, Bens no Servisu US$ 11.161.334, Transferensia Publika US$ 4.602.080, Kapital Menor U$ 1.054.24. Kapital Dezenvolvimentu U$ 3.897.930.
Enkuantu Orsamentu ba MESSK total US$ 6.957.923, fahe ba kategoria Salariu Vensimentu US$ 2.756.894, Bens no Servisu US$ 1.201.074, Transferensia Publika US$ 3.000.000, Kapital Menor zero, Kapital Dezenvolvimentu zero.
(gui)
