DILI, STLTIMORLESTE.com – Parlamentu Nasional aprova ona Orsamentu Jeral Estadu (OJE) 2025 ba Ministériu Solidariedade Sosial no Inkluzaun (MSSI), aprova iha espesialidade ho montante milhaun US$ 26.
Iha debate proposta Orsamentu Jeral Estadu (OJE) 2025, Segunda nee (18/11/2024) iha PN, iha debate proposta Orsamentu ba Ministeriu Solidariedade Sosial no Inkluzaun (MSSI), iha proposta alterasaun 1, atu halo redusaun orsamentu US$ 7. 501.672, hodi aloka fali ba Ministeriu Saude.
Tuir Proponente Deputadu Antoninho Bianco hatete, proposta atu halo redusaun hodi aloka fali ba MS, tanba nee klaru katak MSSI atu sosa aimoruk née laos kompetensia MSSI, maibe nee kompetensia Ministeriu Saude, tanba nee husu justifikasaun.
“MS iha problematik barak, laos tau fali osan ba MSSI atu sosa aimoruk, ida nee kontra lei organika neebe mak IX Governu atribui ona”, katak Bianco.
Entretantu Deputada husi Bankada CNRT, Maria Gorumali hatete, kona-ba proposta numeru 38, neebe proponente mai ho justifikasaun laloos, tanba iha audensia la koalia kona-ba atu sosa aimoruk acid Folip bá inan gravida.
Tuir nia, proposta nee atu hasai hotu osan husi programa Inkuzaun Sosial, neebe ho atividade bolsa da Mãe neebe haree liu kona-ba kondisional ba labarik sira, nunee mos iha fali atividade ida apoia bá inan gravida ho tipu kondisional.
Nia husu retira tanba osan neebe atu hasai née tau iha Transferennsia Publika neebé benefisia direta bá labarik no inan gravida.
Hatan ba kestaun nee, Ministra Solidaridade Sosial no Inkuzaun (MSSI), Veronica das Dores hatete, dehan bolsa da Mae taka ikus kontinua, maibe bolsa da Mãe jerasaun foun mal gastu boot liu, tanba nee halo analiza diak hapara, maibe kontinua bolsa da Mae kondisional, neebe hahu kedas husi IV Governu mai too agora.
“Ita hakarak hadia presiza halo analiza klean, hamutuk atu haree ba Bolsa da Mae neebe lao dadaun”, katak nia.
Kestiona dehan, bolsa nee la haree hetan, haree deit ba koor, maibe ba Timoroan tomak, tanba ekipa tun ba baze servisu hamutuk ho Autoridade sira hodi identifika lo-loos kondisaun inan sira nian mak tama iha Bolsa da Mãe kondisional.
Nunee Prezidente Parlamentu Nasional (PPN), Maria Fernanda Lay submete ba votasaun.
“Rezultadu votasaun afavor 43, kontra 19 no abstensaun 1, nunee orsamentu ba MSSI aprova iha espesialidade”, anunsia PPN, Maria Fernanda Lay.
Entretantu tuir dadus neebe STL asesu iha Proposta OJE 2025, montante orsamentu ba MSSI US$ 26.188.602, fahe ba kategoria Salariu Vensimentu US$ 3. 982.088, Bens no Servisu US$ 10.744.9951, Transferensia Publika US$ 9.501.672, Kapital Menor US$ 500.000, Kapital Dezenvolvimentu US$ 1.459.891.
(gui)
