DILI, STLTIMORLESTE.com – Parlamentu Nasional aprova proposta Orsamentu Jeral Estadu (OJE) 2025 US$ 923.919, ba Inspensaun Jeral Estadu (IJE), US$ 2.184.301 ba Polisia Sientifika Inventigasaun Kriminal (PSIK) no US$ 8.735.558 ba Autoridade Protesaun Sivil (APC) iha espesialidade.
Liu husi debate proposta OJE 2025, Segunda nee (18/11/2024) iha Parlamentu Nasional, Deputadu sira aprova ona orsamentu ba Instituisaun estadu 3.
Tuir Proposta OJE neebe Governu aloka ba IJE US$ 924.919 fahe ba kategoria Salariu Vensimentu US$ 577.888, Bens no Servisu US$ 346.031, Transferênsia Publika zero, Kapital Menor zero, Kapital Dezenvolvimentu zero. Nunee iha debate orsamentu nee aprova ho votus afavor 42, kontra 1 no abstensaun 21.
Enkuantu orsamentu ba PSIK US$ 2.184.301 fahe ba kategoria Salariu Vensimentu US$ 1.351.538, Bens no Servisu US$ 832.763, Transferênsia Publika zero, Kapital Menor zero, Kapital Dezenvolvimentu zero. No orsamentu ba PSIK aprova ho votu afavor 42, kontra 8 no abstensaun 14.
No orsamentu aloka ba APC US$ 8.735.558 fahe ba kategoria Salariu Vensimentu US$ 4.284.503, Bens no Servisu US$ 3.436.055, Transferênsia Publika US$ 765.000, Kapital Menor US$ 250.000 no Kapital Dezenvolvimentu zero. Orsamentu ba APC aprova ho votus afavor 43, kontra 6 no abstensaun 15.
(gui)
