DILI, STLTIMORLESTE.com – Parlamentu Nasional (PN) aprova ona orsamentu ho montante US$ 73,931,148 ba Ministeriu Saude (MS) iha espesialidade ho votu afavor 42, kontra O no abstensaun 22.
Parlamentu Nasional (PN) Sesta nee (15/11/2024) aprova ona proposta Orsamentu Jeral Estadu (OJE) 2025 hamutuk US$ 73,931,148 ba MS iha faze espesialidade ho votu afavor 42, kontra 0 no abstensaun 22.
Liu husi debate proposta OJE 2025 ba MS US$ 73,931,148 hodi aloka ba salariu vensimentu US$ 37,117,970, bens no servisu US$ 13,412,442, transferensia publika US$ 20,990,400, kapital menor milhaun US$1, kapital dezenvolvimentu US$ 1,410,336.
Iha fatin hanesan, Prezidente Parlamentu Nasional (PPN), Maria Fernanda Lay submete votasaun orsamentu ba MS pasa iha espesialidade ho votu afavor 42, kontra O no abstensaun 22.
“Orsamentu ba MS pasa ho votu afavor 42, kontra 0 no abstensaun 22,” hatete Prezidente Parlamentu Nasional (PN), Maria Fernanda Lay iha debate proposta OJE 2025 iha faze espesialidade loron dahaat iha sala plenaria PN, Sesta nee.
Husi orsamentu nee hodi finansia programa funsionamentu no dezenvolvimentu instituisional ho sub-programa funsionamentu instituisional ho atividade neen, sub-programa dezenvolvimentu instituisional ho atividade 10, sub-programa parseira ho atividade ida, sub-programa suporta desentralizasaun saude ho atividade ida, sub-programa rejistu serbisu saude ho atividade rua, sub-programa infraestrutura iha setor saude ho atividade haat. Programa kuidadu saude primariu ho sub-programa pakote serbisu saude primariu abrajente ho atividade tolu, sub-programa nutrisaun ho atividade haat, sub-programa saude materna no infantil ho atividade lima, sub-programa kontrola moras ho atividade 15, sub-programa promosaun edukasaun saude ho atividade tolu.
Programa kuidadu saude sekundariu no tersiariu ho sub-programa servisu hospital referal no munisípiu ho atividade neen, sub-programa serbisu Tersiariu no Mediku Espesializadu ho atividade rua, sub-programa pakote serbisu abrajente kuidadu saude ospitalar ho nia atividade rua, sub-programa emerjensia medika ho atividade tolu, sub-programa jestaun no distribuisaun mekidamentu no ekipamentu mediku ho atividade lima.
(jen)
