DILI, STLTIMORLESTE.com – Parlamentu Nasional (PN) liu husi Bankada CNRT husu governu atu harii sentru tratamentu ba Timoroan sira neebe ho kondisaun defisiensia mental.
“Hau preokupa tebes ho kondisaun ita nia maluk defisiensia mental, tanba iha fulan Dezembru 2024 hau lao kuaze haleu Dili laran ita nia maluk sira ho kondisaun moras mental komesa aumenta, lao husi estrada klaran ate balu hatais deit ropa laran,” hatete Deputada Bankada CNRT, Cedelizia Faria dos Santos liu husi plenaria PN, Dili, Tersa (07/01/2025).
Tanba nee, deputada nee husu Ministeriu Saude ho ministeriu relevante sira seluk atu harii lalais sentru tramentu, nunee bele atende Timoroan sira neebe afeta ba husi defisiensia mental.
Iha fatin hanesan, Deputadu Bankada KHUNTO, Luis Roberto dehan, Bankada KHUNTO kestiona beibeik governu atu kria kondisaun, hodi halao tratamentu ba Timoroan sira neebe afeta defisiensia, maibe governu la tau ba konsiderasaun.
(alb)
