DILI, STLTIMORLESTE.com – Membru Parlamentu Nasional (PN) liu hui Bankada CNRT, Deputadu Gabriel Soares husu ba Ministeriu Administrasaun Estatal (MAE), atu hakaas empreza nasional sira neebe toma konta ba aruma lixu iha kapital.
“Ita haree Dili, lixu sira mos komesa iha nia fatin no ba PAM Dili ami haree diak, maibe husu ba Ministru atu sama atensaun mos ba kompanhia tolu neebe uluk manan tiha tender nee ba hatama lixeiru hakaas sira neebe lao orsamentu milhaun US$ 34, hakaas sira para lori aruma lixu sira nee,” hatete Deputadu Gabriel Soares iha Parlamentu Nasional, Kuarta nee (23/10/2024).
Nia hatutan, lixu balun kontinua naklekar iha fatin publiku, ezemplu hanesan iha Universidade Nasional Timor Lorosae (UNTL) nia oin, iha Fatuhada neebe laiha lixeiru inklui fatin seluk neebe lexeiru la sufisiente atu akomula lixu.
“Nunee mos laos iha kapital Dili deit, maibe iha kapital munisipiu sira hotu hodi bele kontrola ambiente ida moos, nunee bele prevene moras ba populasaun sira hotu,” esplika nia.
(alb)
