DILI, STLTIMORLESTE.com – Membru Parlamentu Nasional (PN) husu governu atu kria lei hodi regulariza atividade relijiozu iha Timor Leste.
Hatete Xefe Bankada Partidu KHUNTO, Deputadu Antonio Verdial liu husi plenaria PN, Segunda (25/11/2024).
“Iha loron ida rua ikus nee, ita hare grupu oan ida neebe hamosu Padre no Bispu foun, tanba nee hanesan deputadu hau husu ba estadu atu kria lei ba liberdade relijiozu neebe sei fo distinsaun ba relijiaun,” hatete nia.
Nia hatutan, estadu tenki fo rekejitus ba grupu ka organizasaun sira neebe tama mai hakarak estabelese sira nia grupu iha TL.
“Tanba se grupu sira neebe laiha baze doutrina neebe klaru no estrutura neebe forti, governu labele autoriza tama ita nia rain hodi bosok populasaun sira,” dehan nia.
Nia akresenta, igreja katolik presiza hanorin didiak sarani sira, atu nunee labele halai tun sae no fo ezemplu diak hodi dada ema seluk atu tama nia komunidade.
(alb)
