DILI, STLTIMORLESTE.com – Membru Komisaun C Parlamentu Nasional (PN) nebee trata asuntu Finansas Publikas husu Ministeriu Transporte Telekomunikasaun (MTK), atu halo klarifikasaun kona-ba planu governu nia atu hola asoens husi Timor Telekom.
“Timor Telekom oras nee hasoru hela difikuldade iha sira nian ezistensia iha Timor, iha ga lae planu governu atu sosa tia TT nee, tanba iha nasaun seluk nee empreza sira neebe mais estratejiku nee estadu nian, agora se ida nee ita sei sai nafatin kompanhia joint venture tau nia saham iha neeba oinsa ho governu nian,” hatete Membru Komisaun C, Deputadu Antonio da Conceição, wainhira halo audiensia ho MTK ho MOP iha plenaria PN, Kinta (24/10/2024).
Timor Telekom tuir Deputadu nee hasoru hela problema, tanba nee nia husu Ministeriu Transporte Telokomunikasaun atu halo klarifikasaun kona ba estatuto husi operador nee.
“Problema ida mak nee senhor Ministru, buat neebe mak ita hasoru daudaun hela nee mak prezensa Timor Telekom nia estatutu, no ita la hatene nee empreza Timor nian ou ita hanesan bele dehan katak TT nee naran ita nia tiha ona, mas empreza ida nee Timor ninia ga lae,” esplika nia.
Maibe nia sublina, konsumidor Timor Telekom husi governu no membru governu sira, tanba sai mos uzuarius ba Timor Telekom, maibe sa returnu mak operador nee kontribui ona ba kofre estadu.
“Ita nia saham mos iha Timor Telekom, maibe returnu saida mak ita hetan ona husi Timor Telekom nee, karik senhor Ministru bele fo took klarifikasaun ruma kona-ba ida nee,” esplika nia.
(alb)
