DILI, STLTIMORLESTE.com – Membru Parlamentu Nasional (PN) husi Bankada FRETELIN, Deputadu Joaquim Boraluli kestiona estrada diresaun husi Larigutu liga ba Ossu, nunee husu ba Ministru Obras Publiku (MOP) tanba sa mak estrada refere la halo.
kestaun nee hatoo husi Bankada FRETILIN, Deputadu Joaquim Boraluli iha plenaria Parlamentu Nasional, Kuarta (16/07/2025).
“Kompanhia husi Wakae neebe mak hein deit asina kontratu para atu implementa maibe too ohin loron buat ida la mosu iha neeba, Ministru liu ba, Primeiru Ministru (PM) mos liu ba, boot hotu-hotu liu husi dalan neeba, maibe parese kala sira lao ba iha alkatraun ida kaber nee karik nee mak too agora sira nonok hotu deit nee, Ministru mai deklara iha nee dehan atu asina ona kontratu, la kleur tan ami halo ona servisu”, dehan nian.
Deputadu nee dehan, Ministeriu kompetente presiza aprezenta resposta ida nee mai iha PN) hanesan orgaun fiskalizador tanba ninia argumentus soe ona iha nee no esklarese fali tanba saida mak estrada nee la halo too agora.
Iha fatin hanesan, Bankada Kmanek Haburas Unidade Nasional Timor (KHUNTO), Deputadu Antonio Verdial hatutan, wainhira halo kontaktu eleitoral ba iha area remotas Suku Aidabaleten liu husi Aldeia Damlaran ba aAldeia Bemorai, mota Nunura, diresaun ba Aldeia Halekou ba iha Maliana, husi Aldeia lubun iha Suku Atak Aidabaleten Postu Atabae nian, Mezmu kondisaun estrada la saudavel maibe tan kondisaun rai nia bokur halo populasaun mos lakohi husik hela fatin nee mamuk leet deit.
“Iha hau nia viajen sasan neebe mak hau observa iha populasaun barak mak hela iha dalan ninin too mai iha ponte Loes observasaum interligadu ho ba kondisaun dalan neebe mak la saudavel no presiza tebes Governu nia laran luak atu hadia,” katak nia.
Nia dehan, dalan neebe mak nia foti barak tebes ho viajen neebe mak furak ho nia paisajen rai mos furak liu tan, tanba populasaun barak mak iha dalan ninin too mai iha ponte Loes.
Hatan ba kestaun nee Visi Ministru Asuntu Parlamentar, Aderito Hugo da Costa fundamenta, kona-ba estrada iha Larigutu liga ba Ossu no mos rejista ponte ida nee ba Ministeriu Infraestrutura liu-liu envia ba iha Ministriu Obras Publika (MOP) atu haree ba asuntu ida nee.
(EST 1)
