DILI, STLTIMORLESTE.com – Membru Parlamentu Nasional (PN) husi Bankada FRETILIN lamenta ho selesaun nasional Timor Leste neebe lakon 10-0 hasoru selesaun Tailandia iha jogu dahuluk iha ASEAN Championship 2024.
“Selesaun nasional Timor Leste lakon 10-0 hasoru selesaun nasional Tailandia kee pena rai ida nee, tanba nee husu ba Ministru Juventude no Desportu atu haree didiak ninia knaar,” hatete Deputadu Bankada FRETILIN, Jose da Cruz liu husi plenaria PN, Segunda (09/12/2024).
Nia hatutan, haree ba rezultadu jogu neebe iha Governu tenki iha seriedadeatu koordena ho Federasaun Futebol Timor Leste oinsa haree ba dezenvolvimentu desportu iha laran.
Tanba foin lalais nee ekipa selesaun nasional la iha preparasaun neebe diak, tanba kampu neebe durante nee jogador sira uza ba atu halo treinamentu molok aranka ba nasaun Vietnam, tanba Estadiu Munisipiu Dili uza tia ba nigth market.
“Para tiha Nigth Market sira neebe mak la kontribui, fatin sira neebe lo-loos nee atu halao atividade desportu nian nakfilak tiha fali ba atividade seluk, ezemplu estadiu neebe jogador sira uza atu treinu nee sai fali fatin ba konsertu,” hatete Deputadu nee.
(alb)
