DILI, STLTIMORLESTE.com – Parlamentu Nasional (PN) sei sosa kareta unidade 65 ba deputadu sira iha fulan Setembru tinan 2025.
Tuir Sekretariu Jeral Parlamentu Nasional, Edgar Siqueira Martins hateten, Prosesu akizasaun sosa viatura daudaun nee lao hela iha Komisaun Nasional Aprovizionamentu tenderizasaun tama ona iha roti final kuaze konklui ona.
“Ita espresa iha tinan ida nee bele konklui ona no iha fulan oin Setembru bele asina ona kontratu nee. Para depois se mak manan projetu kompanhia halo servisu hodi bele hatama karreta Parlamentu tuir numeru Deputadu sira hamutuk 65,” hatete Sekretariu Jeral Parlamentu Nasionál, Edgar Siquera hatete ba jornalista sira hafoin remata reniaun Komite Revizaun Orsamentu iha edifisiu Ministeriu Finanas, Sesta (22/08/2025).
Nia informa, orsamentu akizasaun viatura nee milhaun $1,4, maibe prosesu aprovizionamentu depende ba empreza neebe mak manan ho orsamentu valor hira pur viatura, nee depende ba prosesu aprovizionamentu mak hatene.
Nia garantia katak sosa viatura nee sei la gasta hotu milhaun US$ 4 nee tanba ba kompanhia barak sei konkore iha konkursu, empreza balun sei aprezenta presu neebe mak kiik liu, komforme ba ekipa juri sira iha aprovizionamentu iha CNA sei haree ida nebe mak diak liu.
“Ita sei halo esforsu tinan ida nee tenke kareta mai, tanba orsamentu nee aloka ba 2025, tinan 2026 laiha alokasaun ho kareta” tenik nia.
Kona-ba Viatura marka saida, tuir nia katak aprovizionamentu sei lao, bainhira Viatura too mai Timor no entrega ba Parlamentu Nasionál mak foin hatene.
(eme)
