DILI, STLTIMORLESTE.com – Diretór Tránzitu Seguransa Rodaviaria Nasionál (DTSRN), Superintendente Xefe Polísia António Mauluta hateten, durante fulan Janeiru too Outubru Polísia Nasionál Timor Leste (PNTL) liu husi Tránzitu Seguransa Rodaviaria Nasionál US$ 607.00356 ba kofre Estadu.
“Husi fulan Janeiru too Outobru, Diresaun Tránzitu Seguransa Rodaviaria Nasionál bazeia ba iha dadus neebe Komando PNTL munisipiu 14 mai iha nee, hahu husi Janeiru too Outubru ita hatama reseita ba kofre estadu hamutuk US$ 607.00356 ba kofre Estadu,” hatete Diretór Tránzitu Seguransa Rodaviaria Nasionál (DTSRN), Superintendente Xefe Polísia António Mauluta ba jornalista sira iha nia knaar fatin Komando Jerál PNTL Kaikoli, Kuarta (26/11/2025).
Nia dehan, iha infrator sira neebe ba selu ona iha banku mak hamutuk US$ 17.755 nee mak hetan osan US$ 607.00356. Ba infratór sira neebe mak seidauk selu hamutuk ema nain 1.644.
Nia esplika, bazeia ba pasa revista ne’ebé PNTL liu husi Diresaun Seguransa Tranzitu Rodaviaria halo iha kada munispiu sira iha teritoriu Timor Leste konsege halo aprensaun ba transporte públiku hamutuk 1.085, kareta privadu hamutuk 3.041 no kareta Estadu hamutuk 71.
Jornalista: Jeniche da Costa
Editor: Xisto Mendonça
