BAUKAU, STLTIMORLESTE.com – Komando Polisia Nasional Timor Leste (PNTL) Munisipiu Baukau liu husi Polisia Eskuadra Postu Baukau Vila asegura ona suspeitu nain 5, neebe naok fahi boot 2 iha area Lanud Baukau.
Tuir informasaun neeebe jornalista STL asesu iha terenu katak, suspeitu nain 5 ho karreta kijang kor metan sapa matrikula A 19-443 naok fahi iha area Kaikriana, Suku Triloka, neebe komunidade husi Tirilolo hakiak iha area refere.
Suspeitu hirak nee naok purvolta tuku 02:00 madrugada neebe lori sai husi area refere ho karreta no konsege too iha area Postu Administrativu Vemasi, Polisia Eskuadra Vemasi hapara suspeitu sira nia viajen iha oras dadersan.
Husi nee parte Polisia transfere kedas evidensia hanesan fahi boot 2 ho transporte inklui suspeitu nain 5 ba Eskuadra Postu Baukau Vila hodi halo identifikasaun nomos asesgura ona evidensia sira.
Ligadu asuntu nee jornalista STL tenta konfirma Komadante Komando Polisia Munisipiu Baukau, maibe laiha fatin atu fo komentariu.
(EST 2)
