DILI, STLTIMORLESTE.com – Kada tinan kazu kirmi kontra bandu akonste iha lina Fronteira Terrestres, Autoridade Seguransa Polísia Nasionál Timor Leste (PNTL) husi Unidade Patroillamentu Fronteira halo operasaun atu kombate, maibe difisil tanba Fronteira Terrestres area nee luan tebes.
Komanadante Jeral PNTL, Komisariu Jeral Polísia, Henrique da Costa hatete, Komando Unidade Patroillamentu Fronteira halo servisu seguransa hamutuk ho parseiru F-FDTL, SNI ho PNTL Munisípiu sira iha fronteira Terrestres, atu halo prevensaun ba krime kontra bandu hatama sasán ilegal.
“Ita hotu hatene lina Fronteira Terrestres rai maran ho tasi luan tebes, dala ruma ita halo operasaun taka iha fatin ida sira halo atividade kontra bandu liu fali iha fatin seluk, tanba ita nia rekursu umanu limitadu, ita difisil atu responde ba fronteira neebe luan,” dehan Komisariu Jeral Polísia, Henrique ba jornalista sira iha Akademia Polisia, Komoro, Dili, kuarta (20/11/2024).
Nia dehan, maski Autoridade Seguransa hasoru limitasaun ba rekursu umanu, maibe PNTL nafatin halo servisu, bainhira sidadaun sira hatama sasan kontra bandu tama mai Timor Leste, Polísia hetan iha fatin neebe deit sempre halo aprensaun halo prosesu tuir dalan legal.
Iha fatin hanesan, Komandante Unidade Patrulhamentu Fronteira (UPF), Superintendente Asistente Polísia Euclides Belo hatete Unidade Patrulhamentu Fronteira halo vizilansia no seguransa liu-liu Fronteria Indonezia ho Timor Leste evita sasan kontra bandu liu dalan ilegal.
Tanba fugetes neebe mak sut ida ka rua nee sira subar iha karreta nia roda nia janti, tau iha roda laran depois taka ho janti kompletu sira tula ho karreta tula mai too iha Dili, no iha sigaru ho fugetis bazeia ba informasaun neebe hetan husi komunidade sira pasa ba UPF konsege hetan halo aprensaun kedas balun iha loron 19 Novembru.
Tanba planu operasaun Komando Jeral PNTL fo sai UPF servisu hamutuk ho Komando Munisipiu tolu nafatin halo vizilansia iha fronteira kordena ho TNI hodi halao nafatin seguransa iha liña fronteira no lá iha insidensia nesesariu ne’ebé bele fornese ba fronteira tanba autoridade seguransa kria relasaun ne’ebé Diak no amizade hela ho Forsa TNI
(mar)
