DILI, STLTIMORLESTE.com – Polisia Nasional Timor Leste (PNTL) liu husi Komando PNTL Munisipiu Dili fo seguransa husi Largo Lesidere too Tasi-Tolu, wainhira sarani sira mobiliza ai-funan no Retratu Sua Santidade Papa Francisco nian.
“Ita nia ekipa seguransa ida husi Komando PNTL Munisipiu Dili, UEP, UPM, UPF, koloka seguransa iha rute sira nomos halo eskoltu akompaha sarani sira husi Lesidere too mai iha nee,” hatete Komandante Jeral PNTL, Komisariu Polisia Henrique da Costa ba jornalista sira iha Altar Tasi-Tolu, Dili, Sabadu (26/04/2025).
Nia dehan, dalan publiku sira nee seguransa sei retira no prepara fila-fali orsida sei koloka fila-fali iha tuku 06:00 loraik atu nunee fo seguransa ba misa kalan nian. Ida tun direitamente iha terenu 1000 pesosa, maibe sira seluk dezerva 500, para buat ruma sira bele responde.
Iha fatin hanesan, Sarani Katólika Jose Paulo Pinto informa, ohin loron 26 fulan Abril loron neebe sarani no Governu ho Igreja atu presta omenajen ba Papa Francisco nia mate.
“Ita ohin organiza husi Dioseze hodi mobiliza ai-funan, Papa Móvel (Pope Mobile) no Retratu husi Sua Santidade Amu Papa nian husi Prasa Estatua Nain Feto Lesidere ba Tasi-tolu, tanba Papa halo misa uluk iha fatin Santu ida nee,” nia afirma.
(jen)
