DILI, STLTIMORLESTE.com – Polisia Nasional Timor Leste (PNTL) liu husi Komando PNTL Munisipiu Dili, fo apoiu seguransa masimu ba selebrasaun loron internasional ba trabalhador sira nian.
Komandante PNTL Munisipiu Dili, Supererintendente Xefe Polisia, Orlando Gomesa dehan, Komando Munisipiu Dili simu karta husi Konfederasaun Sindikatu Timor Leste (KSTL) nian, hodi fo segurasa masimu ba atividade KSTL nian neebe lao marsa hodi selebra loron internasional ba trabalhador sira nian.
Nia tenik, bazeia ba sira nia pedidu neebe mak mai iha Komando PNTL Munisipiu Dili hodi komemora loron trabalhador nian.
“Ita orienta ona ita ninia Komandante Eskuadra sira hodi orienta ba ita nia Komandante Operasaun fo hatene ba seksaun sira hotu para bele apoiu seguransa ba sira nia atividade,” hatete Superintendente Xefe Polísia, Orlando Gomes ba jornalista sira iha Komando Munisipiu Dili, Kinta (01/05/2025).
Nia esplika, sira nia atividade lao ain husi Audian mai too Kampung Demokrasia nian liu husi Parlamentu Nasional oin, depois sira sei too iha kaza Europeia nian.
“Tanba nee ita perepara horiseik kedas no ohin koloka ona Polísia Tranzitu sira iha dalan para asegura atividade lao ain ba loron Trabalhador Mundial nee bele lao diak no susesu,” nia informa.
Iha fatin hanesan, Adina Ximenes nuudar Trabalhador iha Loja Balun dekalra, oin loron ba Trabalhador sira iha nasaun ida nee, tanba nee KSTL komemora loron nee, maibe too agora trabalhador sira sei kontinua vitima, sira nia salariu seidauk sufisiente ba nesesidade.
“Ita kontinua halerik ba saláriu mínimu, tanba salariu agora sei nafatin US$ 130 no US$ 150 seidauk US$ 200, tanba nee ho salariu neebe kiik tebes, seidauk atende ba nesesidade, tanba nee husu ba KSTL atu luta nafatin ba trabalhador sira nia salariu sira neebe sei minimu tebes,” nia afirma.
(jen)
