DILI, STLTIMORLESTE.com – Polisia Nasionál Timor Leste (PNTL) fo seguransa iha area aeroportu no rota ofisial, hodi garante seguransa no ordem publika wainhira simu Presidente Repúblika José Ramos Horta mai Timor Leste.
Observasaun STL iha terenu katak, membru PNTL do segurada ordem publica hodi garante segurança ba Presidente José Ramos Horta neebe fila mai husi Malásia hafoin partisipa iha adezaun ofisiál Timor Leste sai membru ba ASEAN nian numeru 11.
Entertantu iha operasaun seguransa nee envolve membru PNTL sira husi Unidade Tranzitu Komandu PNTL Munisipiu Dili inklui membru Ofisial Polisia Suku (OPS).
Xegada Prezidente Republika mak reprezenta momentu istóriku ba povu TL, tanba Adezaun ba ASEAN simboliza integrasaun kompletu TL iha komunidade rejional sudeste aziátiku.
Iha fatin hanesan, Akademista Universidade Nasional Timor Lorosae (UNTL), Julia dos Santos informa, nia parte kontente tebes ohin sira mai ho bandeira ASEAN no bandeira TL hodi forma husi area Aeroportu too Palasiu Prezidensial, tanba Presidente José Ramos Horta foin fila mai Timor.
Jornalista: Jeniche da Costa
Editora: Domingas Gomes
