DILI, STLTIMORLESTE.com – Polisia Nasional Timor Leste (PNTL) Munisipiu Dili kontinua halao patrulhamentu kalan no loron hodi reduz volume krimi iha Kapital Dili.
Segundu Komandante PNTL Munisipiu Dili, Superintendente João Pires hatete, daudaun nee Polisia halo hela servisu kalan-kalan no orienta ona ekipa operasaun, atu nunee orienta Eskuadra sira hotu no Taksforce sira para atu intesiva halao patrulhamentu iha Dili laran.
“Kazu balu neebe mak akontese ita lao hela nia prosesu, neebe ita nafatin halao hela patrulha kalan no loron,” dehan Superintendente Joao ba jornalista sira iha Kaikoli, Dili, Sgunda nee (21/10/2024).
Ho patrulhamentu kalan, tuir nia, Polisia Nasional Timor Leste (PNTL) identifika kazu balu, tanba envolve labarik minoridade sira.
“Lori Komando Munisipiu Dili ita orienta hela ba inan aman sira kuidadu ita boot sira nia oan atu nunee labele envolve iha krimi, tanba inan aman mak iha dever atu kontrola,” tenik nia.
maibe ohin mos loron ikus ba estudante sira neebe mak ezame, orienta Eskuadra no Taksforce sira para atu intesiva buka tuir labarik sira neebe mak halo barulhu ruma sei prevene hela.
(mar)
