DILI, STLTIMORLESTE.com – Polisia Nasional Timor Leste (PNTL) husu ba publiku atu selebra natal no tinan foun ho responsavel, seguru ho hakmatek hodi evita violensia no asidente, nunee sidadaun sira bele alegria humutuk ho familia.
Porta Voz Seguransa Ministeriu Interior (MI), Superintendenti Polisia João Belo dos Reis dehan, husu ba publiku atu selebra ho maneira responsavel, seguru no hakmatek hodi evita violensia no asidente.
“Semana oin ita sei halo selebrasaun natal no tinan foun, tanba nee governu husu ba publiku atu selebra ho maneira responsavel, seguru no hakmatek hodi evita violensia, asidente no abuzu alkohol hodi garante alegria hamutuk ho família sira,” hatete nia ba jornalista sira liu husi konferensia imprensa iha salaun Ministeriu Interior Kaicoli, Kinta (18/12/2025).
Nia esplika, Konjunta FALINTIL – Forsa Defesa Timor Leste (F-FDTL), hamutuk ho PNTL kontinua lao nafatin too natal no tinan foun nian.
“Ami nia lina kordenasaun lao nafatin, atu fo seguransa ba sidadaun hotu neebe selebra natal no tinan foun iha Timor laran tomak,” nia deklara.
Iha fatin ketak Akademista UNTL, Julia Moniz informa, natal no tinan foun besik dadaun ona, husu ba F-FDTL no PNTL atu fo seguransa masimu ba sidadaun hotu neebe sei selebra natal no tinan foun.
Jornalista: Jeniche da Costa
Editora: Domingas Gomes
