DILI, STLTIMORLESTE.com – Polisia Nasional Timor Leste (PNTL) liu husi Komando PNTL Munisipiu Dili kalan-kalan sempre halo patrulhamentu iha bairu-bairu neebe eziste iha kapital Dili.
“Ita hetan orientasaun husi Komando Jeral mai iha Komando Munisípiu, kalan-kalan ita sempre patrulhamentu ba bairu-bairu sira, dalan ruma ho kareta no lao ain,” hatete Komandante Operasaun Polisia Nasional Timor Leste (PNTL) Munisípiu Dili, Superintendente Assistente Polísia José Luis Amaral ba jornalista sira iha Largo Lesidere, Kinta nee (29/05/2025).
Nia dehan, Komando PNTL Munisipiu Dili sempre tau atensaun liu ba área neebe risku, tanba problema sempre mosu iha area sira neebe risku.
“Hanesan loron hira liu ba ema asalta malu, tuda malu, ami ba halo hakmatek situasaun nee, depois ita ba kaptura sira lori mai halo investigasaun,” nia deklara.
Nia esplika, sei joven sira halo nafatin asaun krimi, PNTL sei buka tuir no prosesa tuir lei neebe vigor iha nasaun RDTL.
“Joven sira neebe sempre halo krimi, nee ita buka too hetan, tanba ita hotu hakarak situasaun iha rai Dili nee hakmatek, para ita nia populasaun halao atividade hanesan servisu buka moris ho hakmatek,” nia deklara.
Iha fatin ketak, Xefe Suku Kaikoli, Hipolito Marques Sarmento informa, iha Suku Kaikoli situasan hakmatek, tanba Suku Kaikoli besik liu Komando PNTL Munisipiu Dili, sira mos lamete ona probelma, no agora fo avizu tuku 10:00 ba leten laiha joven ida tur iha estrada ibun.
“Ami Suku Kaikoli situasaun hakmatek, tanba ita hela besik kantor Polisia, nomos hau sempre avizu ba hau nia joven sira labele halo problema, no laiha ema ida mak tur iha dalan ninin tuku 10:00 ba leten,” nia afirma.
(jen)
