DILI, STLTIMORLESTE.com – Komando Polisia Nasional Timor Leste (PNTL) la autoriza Estudante Universitariu Timor Leste (EUTL), neebe hakarak halo manifestasaun hasoru orgaun soberanu Parlamentu Nasional (PN), iha fatin resintu Univeridade Nasional Timor Lorosae (UNTL).
Komandante Komando Operasaun PNTL, Justino Menezes dehan, estudante UNTL lori ona karta ba iha dia 4 nee, depois iha dia 5 lokraik Komandante PNTL Komisaríu Jeral Polísia Henrique da Costa fo despaixu ba Komandante Operasaun, depois halo kedas inkontru ho Komandante PNTL Munisípiu Dili nomos Komandante Operasaun Munisípiu Dili, Komandante UEP ho Xefe Departamentu sira no kontaktu ba Portavoz estudante UNTL nian para atu mai inkontru.
“Ita kontaktu kedas ba Portavoz Estudante UNTL nian atu mai inkontru ho ami. Ohin dia 10 para dia 15 nee sira deside fatin para halo manifestasaun, tanba nee tuir lei tenke 100 metrus husi PN. Ita hakarak sira halo manifestaun iha fatin Tasitolu, maibe sira lakohi nafatin hakarak halo manifestasaun besik PN, nee labele,”dehan nia ba jornalista sira iha Komando Jeral PNTL Dili, Kuarta (10/09/2025).
Nia informa, sira bele halo manifestasaun maibe iha fatin Tasitolu, no sei lori sira nia portavoz mai hodi hasoru Deputadu sira iha PN.
Nia afirma, sira hakarak halo manifestasaun iha sira nian fatin resintu UNTL nee para besik PN, maibe tur lei nee labele, maibe sekuandu sira halo konferensia iha kampus nee bele no PNTL iha liur hodi akompana deit. Maibe sira sai ona mai liur, nee signifika sira atu halo ona manifestasaun. Nee labele, tenke PNTL maka disidi. Tanba iha manifestasaun nee Estudante Universidade sira neebe eziste iha Dili laran, nee laos ema oituan.
“Estudante sira la konkorda fatin Tasi-Tolu neebe PNTL desidi, tanba Komando PNTL sei kansela loron manifestasaun neebe monu iha dia 15. Karik sira halao duni sira manifestasaun iha duni PN oin nee, ita seguransa la fo fatin, signifika nee hatene ona ita la fo fatin. Sira hakarak manifestasaun nee lao tuir fatin neebe Polísia disidi maka Tasitolu,” nia hatutan.
Hafoin komandu PNTL halo audensia ho Porta Vos EUTL deside fatin ba manifestasaun, hodi autoriza sira bele halo manifestasaun iha Tasi-Tolu, maibe sira la konkorda. Iha loron 15 fulan Setembru 2025 maka sira halo manifestaun iha resintu UNTL nian oin okupa Estrada, PNTL sei halo atuasaun.
Ho ida nee PNTL fo tempu ba Porta Vos EUTL sira fila halo koordenasaun aseita ona fatin neebe PNTL autoriza iha Tasi-Tolu mak sira foin bele halo manifestasaun.
Jornalista: Jeniche da Costa
Editora: Domingas Gomes
