DILI, STLTIMORLESTE.com – Ministeriu Interior (MI) liu husi Polisia Nasional Timor Leste (PNTL) hahu husi loron 12 too 18 fulan Janeiru tinan 2026, rejístu kazu asidente hamutuk nain 43, kanek todan nain 7, no kazu mate laiha.
“Ita relata kazu asidente tráfiku rodaviaria akontese total asidente 43, ema kanek todan 7, ema kanek kmaan 48, mate kazu zero,” hatete Portavóz Seguransa Ministériu Interiór (MI), Superintendente Assistente Polísia Mouzinho Correia ba jornalista sira liu husi Konferensia Imprensa iha Edifisiu MI, Dili, Kinta (22/01/2026).
Nia dehan, asidente por munisípiu sira iha loron 12 too 18 Janeiru rejista IMS 23. Movimentasaun veikulus liu husi pontu entrada sira no reseitas hahú husi dia 12 too 18 Janeiru 2026 nian no Postu Fronteira Batugade, Salele, Sacato, Oesilo ho total veikulu estranjeiru hamutuk 188.
“Ita haree ba veikulu pezadu ho totál 102, veíkulu lizeiru 86, selu tama sirkulasaun veikulus entrada nian ho total US$ 3,150, total osan reseitas hamutuk US$ 3,150,” nia deklara.
Iha fatin ketak, Kondutor Bis Lospalos, Albino da Costa informa, atu hamenus asidente tenke iha konsiensia hodi lori kareta no motor, tanba iha fulan Janeiru tinan nee asindente ladun iha.
“Ita haree iha fulan Janeiru tinan nee PNTL ladun rejístu kazu asindente barak kompara ho tinan kotuk, tanba iha tinan kotuk ita haree asidente iha fatin-fatin no mate mos kazu aas, tanba nee ita husu ba ida-idak nia aan lori kareta ho motor tenke halai ho konsiensia, labele ansi,” nia afirma.
(jen)
