DILI, STLTIMORLESTE.com – Ministeriu Interior (MI) liu husi Polisia Nasional Timor Leste (PNTL) relata dadus durante semana rua nia laran, iha loron 16 Fevereiru too loron 1 Marsu 2026 iha asidente hamutuk 65, kanek todan nain 9 no mate laiha (zero).
“Ita haree ba dadus insidente 72, total aktus krime 76, asidente trafiku rodaviariu kompostu husi kareta no motor 65, kanek kmaan nain 73 no kanek toda ema nain 9, maibe husi dadus nee insidente 72, total aktus krime 76, asidente trafiku rodaviariu kompostu husi kareta no motor 65, kanek kmaan 73, kanek toda ema nain 9, kazu ema mate laiha,” hatete Portavoz Ministériu Interior (MI), Superintendente Asistente Mouzinho Correia ba jornalista sira iha salaun MI, Kinta (05/03/2026).
Nia dehan, semanal neebe akontese iha teritoriu Timor laran tomak durante semana rua nia laran, iha loron 16 Februari too loron 1 Marsu 2026, semana rua nia laran no ultima 24 oras, situasaun segurasa nasional jeralmente lao diak. Mezmu akontese insidente no asidente balun maibe la perturba situasaun orden publiku iha rai laran, situasaun ita konsidera estabil tanba esforsu husi Autoridade Segurasa no servisu hamutuk ho komunidade, juventude, estudante no ema hotu-hotu neebe hela iha Timor Leste,” nia hatete.
Nia deklara, asidente barak liu akontese iha Munisípiu Dili, tuir fali RAEOA, Lautem no Vikeke. Enkuantu munisípiu sira seluk nee laiha insidente ruma, akontese iha sira nia area juridisaun durante semana rua ikus mak Aileu, Atauro, Bobonaro, Ermera, Manatuto no Manufahi.
“Ita apresia tebes ba komunidade sira liu-liu ba alin joven sira nomos autoridade sira iha munisípu neebe kumpridor hodi evita aan ba autos violentu sira,” nia deklara.
Entretantu vilolénsia doméstika iha 25, asaltu 17, furtu 10, asaltu seksual 4 no kontrabandu 76.
(jen)
