DILI, STLTIMORLESTE.com – Ministeriu Interior (MI) liu husi Polisia Nasional Timor Leste (PNTL) rejistu dadus krime neebe rejista hamutuk 69.
Tuir Portavós Komandante Diresaun Departamentu Investigasaun Kriminál (DSIK), Superintendente Polísia João Belo dos Reis afirma, tipu kazu 5 neebe lahanesan konsidera as liu mak violensia domestika 19, asaltu malu 14, disturba jeral 4, estraga propriedade estadu 3. Dili nudar kapital nasaun nian neebe fatin konsentrasaun ba ema hotu, tanba nee iha Munisípiu Díli produs kazu barak liu kompara ho munisípiu sira seluk.
Nia dehan, kazu Violensia domestika neebe numeru as iha Munisípiu Dili hamutuk 14, signifika iha Kapital dili produs violensia domestika kada loron rua ba leten.
Nia katak, insidente Seguransa Rodaviariu nian ho total insidente hamutuk iha semana nee 47, no husi total 47 asidente nee kauza kanek kaman 65, kanek todan 10 no ema lakon vida 4.
“Dadus infrasaun Tranzitu Seguransa Rodaviariu nian kontrola momentu transporte publiku no privadu iha estrada publiku nian detekta utilizador sira kontinua halo infrazaun viola kodiku tranzito nian, tanba nee ita nia polísia tránzitu detekta trasporte privadu 158 no transporte publiku 16 no transporte Publiku neebe la lori dokumentus transporte nian hamutuk 81,” deklara nia ba jornalista sira liu husi konferensia imprensa iha salaun Ministeriu Interior (MI), Kinta (04/12/2025).
Entertatu iha tipu infrasaun neebe detekta husi infratores neebe lalori dokumentus sira 60 inspesaun liu prazu 55, kontra autoridade inspesaun 42, la uza kapasete 36 no kontra sinais 33.
Iha munisípiu dili produs infrasaun hamutuk 133, Munisípiu Baucau produs infrasaun 40 no iha Munisípiu Ermera 36, Munisípiu Covalima 31 no iha Munisípiu Aileu hamutuk 15.
Jornalista: Jeniche da Costa
Editora: Domingas Gomes
