DILI, STLTIMORLESTE.com – Ministeriu Interior (MI) liu husi Polisia Nasional Timor Leste (PNTL), relata relatoriu semanal kona-ba situasaun segurasa nian iha teritoriu laran tomak.
Portavoz Komando PNTL, Superintendente Polisia João Belo dos Reis informa ba jornalista sira liu husi Konferensia Imprensa, Dili, Kinta (05/02/2026).
Nia dehan, hahu husi loron 19 too 31 fulan Janeiru 2026, PNTL rejistu kazu kriminal, asidante tránzitu, infrasaun tranzitu, seguransa rodoviaria, no movimentu migrasaun nian iha teritóriu nasional.
“Bazeia ba dadus husi Incident Management System (IMS) PNTL nian, durante semana rua nee ita nia atuasaun membru PNTL kontinua halo patrulhamentu preventivu iha pontu kritiku sira hodi garante orden publika, ita haree durante semana referidu kazu krime neebe rejista hamutuk 121 kazu. Ho krime sira nebe konsidera okupa top 5,” hatete nia.
Nia esplika, tipu kazu asaltu iha 49 no tipu kazu violensia domestika 27, nomos kazu furtu 10, asaltu seksual 5, no ameasa 4.
“Kazu sira rejista iha leten, kapital Dili produs kazu 44, barak liu kompara ho munisipiu sira seluk ho total kazu asalta 36 no kazu Violensia Domestika 18. Ami nota mos katak iha partisipasaun makaas husi komunidade hodi denunsia kazu sira nee, nunee bele halo prosesu ba Tribunal hetan lia los,” nia deklara.
(jen)
